S'ISCHIGLIA - 1999

Su preidazzu 'e Canterbùry

O bivinti Sennori nostu,

unu mortu le Canterbury

hat nau ca Tui no ses risortu,

poita in sa tumba ses calau

e innia ses abarrau.

Si Tui, principi 'e sa vida,

no ses realmenti risuscitau,

de badas est su speru nostu,

duncas, papeus e bufeus,

ca tanti crasi moreus.

Po s'anglicanu preidazzu,

Pauli, Perdu, Giuanni,

Torna e totus is aterus,

no fiant apostulus sincerus,

ma ominis pigadoris in giru

e testimongius falsus;

est invecis su preidazzu,

su prus beriradosu e sciru,

su mellus de is mellus,

e de coixedda grand'amigu!

Ma Tui Jesus 'e Nazaret,

biventi ses in gloria eterna,

s'obera tua est perfetta,

e nisciunus da podit sculai.

Prus biu de sempiri,

sempiri prus stimau,

Rei e fundamentu,

de sa Cresia intera.

Bincendi a suba le sa morti,

has pigau reali possessu,

de unu Regnu eternu,

aundi bivit sa giustizia:

Regnu senz"e fini mai:

aundi de coru speru,

una di, e Ti porri incontrai.

Giampaolo Caria