S'ISCHIGLIA 1999

Storia de Camaleontis

Storia de cambius de coloris,

storia de pinnisceddas

de pretziu de tre si arrialis

e de bonus iscriidoris,

e atteretantu direttoris;

storia puru, po mala sorti,

de nanitus a suba 'e bastonis.

Primu, primu fiat liberali,

o mi parit socialista,

no m'arregordu beni ita,

a pustis fascista,

dopu democristianu,

agoa agoa comunista,

e de tempus in tempus,

po no nai, craru craru,

de direttori in direttori,

assentau, no de raro.

Ita siat in dI de oi,

a is posterus sa sentenzia.

Custa, in dus fueddus,

esti sa storia a sa lesta,

cantada a sa moda mia,

in beni e in mali,

de unu importanti,

istoricu giornali,

preziau de sa genti,

chi fait, onnia santa dI,

s'istantanea fotografia,

de cent'annus e prus,

a una nazioni tropu disunia.

Giampaolo Caria