S'ISCHIGLIA - 1998

Sa spada de sa genti tonta

Deus est sa spada de sa genti tonta,

sa coberta crutza chi a sei tiranta;

su 'dusu intendi esti sa matessi cantada,

sa solita torrada: Deus est mannu,

Deus est cun nosus, e sen" e piedadi

faint matanzas, bocinti e istupranta

cun su nomini de Deus in buca;

a pustis, inginugaus, a Deus preganta,

promittendidi de apicai aterus a sa furca.

Medas cun is artaris aintru 'e domu

e de santus de linna ingiriaus

sequestranta, furanta e spedazzanta;

agoa currint in cresia po si cunfessai,

sicurus chi donnia preidazzu un'assolvidura

mancu a su prus coixedda d'acrefudat mai.

Cumbintus aici de trobeddai s' eternu Deus,

torranta illuegus a incumenzai;

prontus in totu a fai peus 'e peus.

No est però cosa giusta su domandai,

poita Deus permitidi custas cosas,

ma prus a prestu est mellus nai:

cument'hat fai a 'das perdonai.

Giampaolo Caria