S'ISCHIGLIA 1998

Pregadoria

O Eternu Deus,

Rei de totu s'universu,

Babbu e Sennori nostu

chi regnas in d'unu Regnu

fundau a suba 'e sa justitzia,

Regnu chi no hat tentu mai cumentzu

e no hat a tennis mai fini.

Su celu e sa Terra

sunt obera de is manus tuas,

creaus po passai,

ma su Regnu tu abarrada.

In is pratzas tuas, o Eternu,

bivint sa cumpassioni e sa giustidadi,

e is pesus imperaus funt justus.

Balit mellus una dia passada

in custas pratzas

chi mi1li in aterus logus.

Acosta o Deus, s'origa tua

e ascurta cust'umili pregadoria,

poita s'abisonju est mannu.

Passilla Onnipotenti Deus,

in mesu a is sufferenzias

de custa trumentada umanidadi,

sarva, cunsola e totus perdona;

ajuda sa genti bona,

s'afrigiu e su poberu restora,

ajuda mannus e jovuneddus,

de calisisiat arratza e logu;

sbregungi e cundanna

sa malidadi e sa prepotenzia

e lassa in donniunu s'isperanzia

a manera chi potzaus bivi,

su pagu tempus nostu,

unu pagheddu prus asseliaus.

Ascurtasi, Sennori,

poita in Tui feti est su speru,

no s'abandonisi,

e in Cristu arrispundi.

Giampaolo Caria