S'ISCHIGLIA -1997

Fogu

Sula, sula bentu,

gira e sula in donnia logu,

no frimis mancu unu momentu;

curri, curri bentu

impari cun su fogu,

s'obera de is vilis

porta a cumprimentu.

Sula, sula bentu,

cun su fogu curri a sa disperada,

e is montis e is pranus

furria in desertu

de custa terra nosta malassortada,

in cinixu torrada

po tirria e debetu.

Terra nosta, terra trumentada,

no siast prus, cun s'ajudu de su bentu,

de baticorrus de fruca arruinada,

ni acciuvada in d'unu mari 'e cimentu,

po no essi mai una terra desolada,

ni de lutus e lambrigas

logu de ammentu.

Giampaolo Caria