s'ischiglia - 1996

De is ogus tuus

De is ogus tuus calant

lagrimas salias,

chi pitzianta in coru,

lagrimas marigosas,

po custa terra niedda,

amantada 'e tristura

e de s'umbra 'e sa morti.

Po curpa 'e su fugu,

sa tirria e su crepu,

impari cun su scinixu,

spinta de su bentu forti,

bolada s'est donnia isperanzia.

In s'oru 'e sa barracca manna,

avilessiu e solu,

ananti 'e su sprighu 'e sa morti,

sezziu e sen’‘e consolu,

in pitzus de cudda perda tunda,

aundi costumasta a ti pasiai,

mudu, dolorosamenti, prangisi,

mentris scuriosa calat sa noti.

Giampaolo Caria