S'ISCHIGLIA 1997

Cumenti Un’umbra

Passaus cumenti un'umbra:

is prus fortis

arribant a norant'annus,

pagus arribant a centu;

is annus vigorosus,

non funt poi medas;

eppuru in tantis, illuegus

lompius in custa baddi,

bollint cambiai su mundu,

poita aci cumenti s'agatada,

no ddis praxit.

Locus, nuis chene aqua,

fumus de pagus momentus,

lassai su mundu coment' esti,

no ddu strupieis,

no ddu cambieis in peus,

cumenti heis sempiri fatu

No funt maris e montis

chi depint cambiai,

ma prus a prestu bosatrus,

cambiasì su coru,

cambiaisì sa conca,

ma lassai sa terra

cumenti Deus dda fata;

poita est aci chi praxidi

a sa genti simpli cument'a mei.

Giampaolo Caria