COMUNE DI TIESI

 ASSESORADU A SA CULTUIRA

XII CUNCURSU DE POESIA IN LIMBA SARDA

1996 - Poesia satirica, secondo premio

C r o p u  ‘e   s o l i

O balidosa ISCHIGLIA

no ti siat de ispantu,

e arrici sa sapidura,

ki po cropu ‘e soli,

no bivendi in logu ‘e friscura,

ti mandu a modu ‘e poesia.

E bosatrus, de sa balidosa,

geniosus e bonus poetas,

sighei beni sa cumponidura,

po caminai in istradas deretas,

e no penseis chi si trattit

de chistionis de nudda,

no estis a tenni arrescioni,

no fueddu de abba frisca ,

ma  allutai beni is origas,

trattu de retorica e stilistica;

e cumentzu subitu sa canzoni.

Po prima cosa depeis scidi,

e aguantai sempiri a menti

ki su metro de una poesia

si misuarat a pramus,

e ki is versus prus anticus funti:

giumbu, tracheu e anfibiu;

is canzonis si dividint in cameras,

anticameras e passadissus;

su climax marcat sa temperadura;

sa strofa saffica è’ formada

de tres endecasillibus e unu quinternu;

sa diàfora est una fentana,

dividia in duas partis ugualis,

cumenti sa bifora e totu;

sa metadi si narat metafora;

sa censura est su pasu

aintru ‘e su versu;

e no s’indi bessat mai de conca

ki sa Divina Commedia

est scrita a ottavas e a versus liberus;

e onomatopeicus funt is fueddus:

steddu, soli, luna, marteddu e scrafeddu.

Sperendu chi hapais beni cumprendiu,

cun istima si saludu,

e a s’intendi a sa prossima ocasioni,

preghendu chi po sa basca,

in su mentris, no si scallit

in totu, o in parti, su cerbeddu.

Giampaolo Caria

climax: abrigau

Badilosa: valorosa