1996

A IS PIPIUS MAI NASCIUS

Sa vida esti unu miraculu,

e a bosatrus, pipius mai nascius,

custu spantu de sa natura

esti stetiu po sempiri negau, e

po crupa de una idea trobeddera

no seis stetius amitius a s’esistenzia.

Prangit sa creazioni totu intera

po sa disumana prepotenzia;

prangit po totus is notzentis mai nascius,

e po su stesiamentu de s’umanidadi

de is leis de Deus e de cussas naturalis.

No s’aht  arrepiti mai prus,

de eternidadi in eternidadi,

custa prus uniga che rara,

maravigliosa possibilidadi,

ki gia sicura tenestisi afferrada

e in manus beni strinta.

O sapius, narai bosatrus

cali ingiustizia ci podit essiri,

asuta de ‘onnia celu e mundu

o in s’universu interu,

prus mala e trota de custa!

Sa vida est vida in donnia momentu,

primu, duranti e dopu s’imprinjamentu;

no esistint, cumenti nanta oindì

medas filosofastrus,

mesis cun vida no e mesis cun vida sì:

sa vida no si creat donnia mesi,

ni in custu o in cussu precisu tempus,

ma una bella dia de milionis de annus fait

e de insaras, cument un’arriu in prena,

ki currit sicuru a su scopu urtimu su’,

si trasmitit e no si frimat mai.

Giampaolo Caria