S'ISCHIGLIA - 1994

A Casteddu

Miradì in isisprigus tuus

colori 'e celu,

o tzitadi stimada,

e castia cantu ses bella!

Nara poita sperditzias

in su sonnu sa bellesa tua?

Mira de calis prendas

s'ermosura tua est cuncordada;

cunsidera is bellas formas

chi sa genti antiga hat modellau;

scida e sa conca artzia,

.poita ses meda bella

e non ses tzertu tui

s'urtima poburitta stella,

ni sesi arrosa senile folla,

ni custu esti su destinu tu'.

o fessi bonu poeta,

hem'a 'olli cantai

sa bellesa de is coloris tuus,

cantai sa bella pinta

chi Deus t'hat donau,

cumenti s'usada cantai

po una jovunedda

digna de amori mannu,

chi cun sa mirada sua

allirgada e asserenada.

Giampaolo Caria